У Мінску з’явіцца яшчэ адно транспартнае кальцо
Мінск / realt.by
У Мінску пачалі будаўніцтва пуцеправода, які злучыць вуліцы Калеснікава і Ціміразева. Пра гэта паведаміў намеснік старшыні Мінгарвыканкама Алег Корзун.
Пуцеправод злучыць тэрыторыі Фрунзенскага і Цэнтральнага раёнаў. Сталічныя ўлады плануюць пракласці дарогу над чыгункай, злучыўшы жылы раён Брылевічы з вуліцай Казінца.
"Умоўна кажучы, атрымаецца яшчэ адно транспартнае кальцо, дзякуючы якому кіроўцам не трэба будзе выязджаць на МКАД і дадаткова загружаць яе", — растлумачыў Алег Корзун.
