“Пагоня” зладзіць таварыскі матч памяці Мікіты Мелказёрава
Мікіта Мелказёраў / Еўрарадыё
17 студзеня футбольны клуб “Пагоня” згуляе таварыскі матч памяці Мікіты Мелказёрава супраць “Sparta Jazgarzew” з А класы. Гульня адбудзецца ў 17.00 на стадыёне Пясечна (Stadion miejski GOSiR, ul. 1 Maja 16, 05-500 Piaseczno).
Перад пачаткам сустрэчы будзе ўшанавана памяць Мікіты Мелказёрава, які быў вялікім аматарам футбола.
Усе, хто прыедзе на матч, змогуць бясплатна пачаставацца гарачай гарбатай у фірмовым кубачку з Пагоняй. Кубачак можна будзе забраць з сабой у якасці сувеніра.
Мікіта Мелказёраў памёр 21 снежня 2025 года ва ўзросце 37 гадоў. Ён шмат высілкаў паклаў на тое, каб папулярызаваць беларушчыну.
