Асудзілі мінчанку, што напала на фельчара. Раней яна збіла мужа, які памёр
Суд прымяніў закон аб амністыі / eurasianet.org
44-гадовай мінчанцы далі два гады абмежавання волі без накіравання ў выпраўленчую ўстанову адкрытага тыпу за напад на фельчара.
Жанчына ў стане алкагольнага ап’янення выйшла пагуляць на вуліцу, дзе ёй стала блага. Мінакі выклікалі хуткую, але ў машыне мінчанка пачала абражаць медыкаў, а потым і зусім ударыла фельчара нагой у ключыцу, зламаўшы яе.
Супраць хуліганкі завялі крымінальную справу. Віну яна цалкам прызнала, у зробленым раскаялася, кампенсавала пацярпелай прычыненую маральную шкоду.
Прымяніўшы закон аб амністыі, суд вызваліў абвінавачаную ад прызначанага пакарання часткова на тэрмін 1 год.
Вядома, што раней яна прыцягвалася да крымінальнай адказнасці за наўмыснае прычыненне цяжкага цялеснага пашкоджання мужу, які ад атрыманых траўмаў памёр.
