Зранку ў чацвер ў Беларусі чакаецца туман

У чацвер, 18 верасня, у Беларусі прагназуецца пераменная воблачнасць, паведамляе Белгідрамет.

Месцамі па краіне пройдуць невялікія кароткачасовыя дажджы. Уначы і зранку ў асобных раёнах будзе згушчацца туман. Вецер чакаецца заходні, паўднёва-заходні ўмераны.

Тэрмометры ўначы пакажуць 5-11 градусаў цяпла. Удзень паветра прагрэецца да +15...+20 градусаў.

Такое ж надвор'е захаваецца і ў пятніцу, 19 верасня. Толькі ўдзень па поўдні Беларусі чакаецца да 23 градусаў вышэй за нуль.

Субота парадуе адсутнасцю дажджоў удзень. Тэрмометры пакажуць ад +18 па паўночным усходзе да +26 градусаў па паўднёвым захадзе краіны.