Затрымана кіраўніцтва “Цэптэр Банка” — “Наша Ніва”
Магчыма, гэта звязана з рэйдам на “СофтКлуб” / Скриншот видео
У Беларусі Дэпартамент фінансавых расследаванняў арыштаваў старшыню праўлення “Цэптэр Банка” Аляксандра Ігнатова, а таксама аднаго з яго намеснікаў, паведамляе “Наша Ніва”. Паводле інфармацыі выдання, гэта можа быць звязана са справай ІТ-кампаніі SoftClub, кіраўніка якой затрымалі раней. Кіраўніцтва абвінавачваюць ва ўхіленні ад выплаты падаткаў і дачы хабару.
Як піша “Наша Ніва”, сілавікі пачалі рэйды па банках у пошуках саўдзельнікаў. Крыніцы выдання паведамляюць пра “цяжкія настроі” ў іншых камерцыйных і дзяржаўных банках, якія былі кліентамі SoftClub. Ходзяць чуткі і пра затрыманне іншых банкіраў.
“Цэптэр Банк” — гэта камерцыйны банк, які належыць швейцарскаму холдынгу. На канец верасня 2025 года на яго рахунках знаходзілася 103 мільёны рублёў кліентаў, а ўсяго на балансе банка — 168 мільёнаў рублёў. Тры кварталы гэтага года банк завяршыў з прыбыткам у 4 мільёны рублёў.
