Затрымалі кур’ера махляроў, якія забіраюць грошы ў пенсіянераў

Міліцыя затрымала аднаго з кур’ераў тэлефонных махляроў, якія тэлефануюць беларускім пенсіянерам і падманам вымагаюць грошы. Але ён аказаўся толькі часткай схемы. Вялікую суму ашчаджанняў чарговай абманутай пажылай мінчанкі пакуль не ўдалося вярнуць.

Махляры патэлефанавалі 89-гадовай беларусцы і прадставіліся праваахоўнікамі. Яны дзейнічалі па адпрацаванай схеме: пераканалі жанчыну ў тым, што яе дачка стала вінаватай у ДТЗ.

"Той, хто тэлефанаваў, патлумачыў, што для вызвалення сваячкі ад крымінальнай адказнасці і аказання дапамогі пацярпеламу неабходная вялікая сума грошай", — расказываюць у міліцыі Мінска.

Пенсіянерка паверыла і перадала кур’еру 18,5 тыс. долараў ЗША і 12 тыс. еўра. Кур'ера ўдалося затрымаць, але грошы выратаваць не атрымалася — ён ужо перадаў іх іншаму ўдзельніку разгалінаванай схемы.

Мы падрабязна расказвалі, як працуе такая крымінальная схема, у гэтым матэрыяле.

Вядома, што для выканання гэтага "задання" кур’ер прыбыў з іншай краіны, там жа ён знайшоў і аб’яву аб "працоўным месцы". Гэтым разам міліцыя Мінска не называе дакладную геаграфію.

Раскажыце сваім сваякам пра гэтую распаўсюджаную схему падману.