Ужыванне менш агрэсіўнай саляной сумесі на дарогах прызналі немэтазгодным
Прыборка снегу, ілюстрацыйнае фота
Мінскія дарожнікі прызналі немэтазгодным ужыванне менш агрэсіўнай саляной сумесі на дарогах. Да такой высновы яны прыйшлі па выніках эксперыменту, праведзенага ў сталіцы летась. Пра гэта расказаў намеснік гендырэктара "Гаррамаўтадар Мінгарвыканкама" Арцём Ганчар, піша БЕЛТА.
Эксперымент Акадэміі навук праводзілі зімой 2023-2024 года на участках вуліц Свярдлова і Ульянаўскай. Для пасыпання дарог выкарыстоўвалі тэхнічную соль "Беларуськалія" з інгібітарнай дабаўкай. У лабараторных умовах гэтая дабаўка паказала добрыя вынікі па зніжэнні каразійнага ўздзеяння на разнастайныя пакрыцці і зялёныя насаджэнні. Меркавалася, яна знізіць агрэсіўнае ўздзеянне сумесі на 30-40%.
Паводле словаз Арцёма Ганчара, адна тона сумесі з дабаўкай каштавала даражэй за звычайную ў 2,5 раза, а розніца ў выніках атрымалася невялікай. "Атрымалі нязначныя адрозненні. Таму эканамічна немэтазгодна гэты інгібітар ўжываць. У гэты перыяд вуліцы апрацоўваюцца стандартнай тэхнічнай соллю і пясчана-саляной сумессю", — патлумачыў ён.
Ён дадаў, што ў Мінску апошнімі гадамі дарогі пасыпаюць стандартнайя тэхнічнай соллю — мінеральным галітам маркі А "Беларуськалія" і сумесямі на яго аснове.
