Уладзімір Журавель стаў галоўным трэнерам ФК "Гомель" (фота)

Уладзімір Журавель стаў галоўным трэнерам футбольнага клуба "Гомель". Вядомы беларускі спецыяліст падпісаў кантракт на адзін год, паведамляе fcgomel.by. Нагадаем, новая каманда Жураўля сёлета развіталася з вышэйшай лігай. І перад ім ставіцца задача вярнуць яе ў эліту беларускага футбола.

Сам трэнер дадае, што хочацца "і вярнуць давер да каманды з боку заўзятараў". Ён спадзяецца, што ў такі "няпросты час" ФК "Гомель" падтрымаюць спонсары.

Уладзіміру Жураўлю 44 гады, у мінулым ён вядомы футбаліст, правёў 150 матчаў за мінскае "Дынама". Трэніраваў жодзінскае "Тарпеда" (2005-2009), салігорскі "Шахцёр" (2010-2013), мінскае "Дынама" (2014). Яго каманды пяць разоў бралі "срэбра" нацыянальнага першынства.