У пятніцу ў Беларусь прыйдзе завея і моцны вецер
6 снежня ў нашай краіне чакаюцца складаныя ўмовы надвор'я — снег, завея, узмацненне ветра.
Пра гэта паведамляе БЕЛТА са спасылкай на Рэспубліканскі гідраметэацэнтр. Чакаецца хмарнае надвор'е, часамі будзе ісці снег, магчымая завея. Месцамі на дарогах прагназуецца галалёдзіца.
Вецер прагназуецца паўднёва-заходні, 7-12 метраў у секунду, на большай частцы тэрыторыі — з парывамі да 15-22 метраў у секунду, месцамі — да 24 метраў у секунду.
Тэмпература паветра на працягу сутак складзе ад -3 да +2 градусаў.
Такі характар надвор'я адпавядае памяранцаваму ўзроўню небяспекі.
Фота — liveinternet.ru
