У Мінску вызначылі, каму найперш дадуць арэнднае жыллё
Жыллё, ілюстрацыйнае фота
Мінгарвыканкам зацвердзіў пералік прафесій, прадстаўнікі якіх могуць у першую чаргу прэтэндаваць на арэнднае жыллё ў 2026 годзе.
Агулам у спісе восем прафесій. Сярод службоўцаў гэта інжынер-праграміст і спецыяліст па арганізацыі закупак. У спіс рабочых спецыяльнасцяў увайшлі кіроўца тралейбуса, манцёр шляху, кухар, рабочы па комплексным абслугоўванні і рамонце будынкаў, электрагазазваршчык і электраманцёр па эксплуатацыі размеркавальных сетак.
Права на арэнднае жыллё даецца па хадайніцтвах працадаўцаў з ліку дзяржорганаў і арганізацый. Раённыя і гарадскія выканкамы будуць складаць спісы запатрабаваных спецыялістаў для сваіх рэгіёнаў.
