У Мінску ў студзені адкрыецца яшчэ адзін ФАК
Ён пачне працаваць у Каменнай Горцы ў 2026 годзе. Так выглядае аквазона / Минскстрой
У Мінску завяршаецца будаўніцтва фізкультурна-аздараўленчага комплексу на вуліцы Казіміроўскай у мікрараёне Каменная Горка. Для мінчан аб’ект плануюць адкрыць у студзені 2026 года.
Зараз там заканчваюцца будаўніча-мантажныя работы: унутры дафарбоўваюць памяшканні, усталёўваюць дэкор. У некаторых зонах ужо мантуецца абсталяванне і працуе клінінг.
ФАК будзе шматфункцыянальным: праект прадугледжвае тры басейны, два джакузі, купель, комплекс з пяці лазняў, трэнажорную залу і кафэ.
Новы комплекс будзе падобны да ФАК, які адкрыўся тры месяцы таму на вуліцы Янкі Лучыны. Яго ўжо наведалі 29 тысяч чалавек.
Старшыня Мінгарвыканкама Уладзімір Кухараў даручыў вывучыць неабходнасць будаўніцтва аналагічных комплексаў і ў іншых раёнах Мінска.
