У Мінску 60% школ будуць пачынаць заняткі а 9-й гадзіне

Дзве траціны мінскіх школ будуць пачынаць заняткі а 9-й гадзіне раніцы. Пра гэта перад пачаткам пленарнага пасяджэння гарадскога форуму педагагічных работнікаў заявіў журналістам старшыня камітэта па адукацыі Мінгарвыканкама Міхаіл Мірончык.

"Мы вызначыліся так: тыя школы, якія працуюць у адну змену, будуць пачынаць заняткі ў 9.00, тыя школы, якія займаюцца ў дзве змены, урокі пачнуць у 8.30. Калі казаць у адсоткавых суадносінах, то гэта 60% да 40%", — перадае БЕЛТА яго словы.

На гарадскім форуме падвядуць вынікі мінулага навучальнага года і абмяркуюць задачы на ​​будучыню. Таксама сёння ўшануюць найлепшых работнікаў сферы адукацыі.

На мінулым тыдні, дарэчы, адбылася адпаведная рэспубліканская педнарада з удзелам Аляксандра Лукашэнкі. Каментуючы асноўныя тэзісы, якія прагучалі на той нарадзе, Мірончык падкрэсліў, што важна паступова ўдасканальваць сферы адукацыі, а не займацца карэннай ломкай. Ён заклікаў захаваць і памнажаць добрыя традыцыі, напрацоўкі савецкіх часоў.

На мінскі педагагічны форум сабраліся каля 500 кіраўнікоў і спецыялістаў сістэмы адукацыі.