Гендырэктар уплывовай амерыканскай газеты Washington Post пайшоў у адстаўку
Прэзідэнт ЗША Дональд Трамп / White house
Гендырэктар Washington Post Уільям Льюіс пайшоў у адстаўку. Ён кіраваў масавымі скарачэннямі ў выданні, пра якія было аб’яўлена на гэтым тыдні.
Усяго скарацілі трэць штату выдання, было прынята рашэнне менш асвятляць спартывыя і міжнародныя навіны. Звальненні закранулі блізкаўсходнюю рэдакцыю, а таксама карэспандэнта ў Кіеве.
Льюіс — былы генеральны дырэктар Dow Jones і выдавец Wall Street Journal. Ён быў прызначаны на гэтую пасаду ў Washington Post у 2023 годзе і сутыкнуўся з крытыкай з боку падпісчыкаў і супрацоўнікаў, спрабуючы справіцца з фінансавымі стратамі газеты.
Рашэнне аб скарачэннях выклікала крытыку ў адрас уладальніка газеты Джефа Безаса. У чацвер сотні людзей пратэставалі перад штаб-кватэрай газеты ў Вашынгтоне. Галоўны рэдактар Мэт Мюрэй заявіў, што скарачэнні прынясуць стабільнасць.
