У Лівіі адкрыўся "Дом Беларусі"
Віцэ-прэм'ер Уладзімір Каранкевіч / Скрыншот
У Лівіі адкрыўся "Дом Беларусі". Ён пачаў працаваць у Бенгазі — другім па велічыні горадзе афрыканскай краіны.
"Дом Беларусі" будзе месцам прыцягнення суб'ектаў гаспадарання, бізнес-колаў, дзе будзе магчымасць правядзення сустрэч, абмеркавання канкрэтных кантрактаў і іх заключэння. Гэта будзе месца, дзе мы будзем пераходзіць ад слоў непасрэдна да справы", — марыць віцэ-прэм'ер Віктар Каранкевіч, які паўдзельнічаў у цырымоніі адкрыцця дома.
Чыноўнік прывёз у падарунак лівійцам аўтобусы МАЗ. "Калі яны добра сябе зарэкамендуюць, магчыма, па вуліцах Бенгазі будзе курсіраваць яшчэ больш беларускай тэхнікі", — разважае Каранкевіч. Ну а як умеюць сябе зарэкамендаваць аўтобусы МАЗ, здаецца, ужо ведаюць ва ўсім свеце.
