У Літве выкрылі падпольны цыгарэтны завод. Сярод затрыманых ёсць беларусы
У Літве выкрылі падпольны цыгарэтны завод
Літоўская паліцыя зліквідавала ў Каўнасе буйную падпольную вытворчасць цыгарэт. Затрыманыя 11 чалавек, сярод якіх — арганізатары-літоўцы і некалькі беларусаў.
Паводле следства, на заводзе было выраблена каля 6,5 мільёнаў пачкаў цыгарэт на суму больш за 28 мільёнаў еўра.
Узровень канспірацыі на вытворчасці параўналі з наркакартэлямі: выкарыстоўваўся дызельны генератар для маскіроўкі, падаўляліся сігналы GPS, быў падземны тунэль для ўцёкаў. Падазраваным пагражае ад 3 да 20 гадоў зняволення.
