У Літве могуць абвясціць надзвычайную сітуацыю праз метэазонды з Беларусі
Віленскі аэрапорт, ілюстрацыйнае фота / LRT
Урад Літвы разглядае магчымасць абвясціць надзвычайную сітуацыю ў сувязі з пагрозай грамадзянскай бяспекі. Прычынай сталі паветраныя шары з кантрабандай, якія парушаюць працу Віленскага аэрапорта. Пра гэта паведамляе LRT са спасылкай на дарадцу прэм'ер-міністра Ігнаса Альгірдаса Дабравольскаса.
Кантрабандныя метэазонды, запушчаныя з Беларусі, апошнім часам неаднойчы прыпынялі працу віленскга аэрапорта. Апошні раз паветраную прастору над аэрапортам закрывалі ўвечары ў сераду, а інтэнсіўны прылёт аэрастатаў быў зафіксаваны ў мінулыя выходныя.
Прылёт кантрабандных метэазондаў абмяркоўваўся ў размове міністра замежных спраў Літвы Кястуціса Будрыса з генсакратаром NATO Маркам Рутэ. На думку літоўскага МЗС, афіцыйны Мінск "мэтанакіравана атакуе віленскі аэрапорт кантрабанднымі паветранымі шарамі", ствараючы сур'ёзную пагрозу грамадзянскай авіяцыі.
