У красавіку 2026 беларусы правядуць у Варшаве новы TEDx
Постар TEDxUlicaMińska / facebook.com
У красавіку 2026 беларусы правядуць у Варшаве новы TEDx. Канферэнцыя атрымала назву TEDxUlicaMińska і пройдзе "для беларускай супольнасці і для ўсіх, хто па-ранейшаму верыць, што ідэі маюць значэнне".
TEDx — гэта незалежна арганізаваныя івэнты, што праводзяцца па ліцэнзіі TED і захоўваюць яго дух: распаўсюджваць ідэі, вартыя ўвагі. Асноўная асаблівасць TEDx у тым, што канферэнцыі ствараюцца мясцовымі камандамі і прысвечаныя лакальным праблемам і досведу.
Выступы на TEDx звычайна доўжацца да 18 хвілінаў, каб канцэнтраваць увагу на галоўным. На сцэне могуць спалучацца навука, мастацтва, тэхналогіі, сацыяльныя ініцыятывы. Хаця канферэнцыі і праходзяць пад брэндам TED, ніхто не загадвае арганізатарам, як складаць праграму.
