Кліпы гурта "Dymna Lotva" і сайт Рады Еўропы прызналі "экстрэмісцкімі"
Кліпы гурта "Dymna Lotva" цяпер лічацца "экстрэмісцкімі" / "Dymna Lotva"
У Беларусі статус "экстрэмісцкіх" атрымалі кліпы гурта "Dymna Lotva".
Гаворка ідзе пра кампазіцыі "Смерць цалуе ў вочы", "Buried Alive (live at Prophecy fest 2023)", "Адышоўшым (acoustic live at Radio Wnet)", "Перемен! (Кино cover)", "Мяне больш няма (Halloween Live)", "Жывi! (Live!) (Official Music Video)", "Смерць Цалуе У Вочы (Death Kisses Your Eyes) (Official Music Video)", заўважылі праваабаронцы "Вясны". Усе гэтыя кліпы размешчаныя на сэрвісе YouTube.
"Dymna Lotva" — беларускі гурт, створаны ў 2015 годзе. Музыкі граюць у стылістыцы пост-блэк-метал.
Таксама "экстрэмісцкім" прызнаны сайт Рады Еўропы. Суд Партызанскага раёну Мінска прызнаў "экстрэмісцкімі матэрыяламі" сайт "Канферэнцыі міжнародных няўрадавых арганізацый (CINGO)" — у судовым рашэнні пазначаны афіцыйны сайт Савета Еўропы.
Акрамя таго ў "экстрэмісцкі" спіс трапілі рэсурс "mogilev.mеdia", відэаролікі "Это не я, МЫ ЗА МИР! ЛУКАШЕНКО В ЗАЛЕ ООН УСТРОИЛ РАЗНОС. Довел до шока даже Путина", "Лукашенко хочет вернуть легитимность", "Агент ВАЛЕТ. Хто такий ЛУКАШЕНКО? ГРИГОРIЙ ОМЕЛЬЧЕНКО", "ЛАТУШКО. СЫН ЛУКАШЕНКО ПРОПАЛ!? Семья диктатора ГОТОВИТ ПОБЕГ из страны".
