У Каардынацыйнай радзе адмаўляліся ад праходжання паліграфа — Жыгар
У Каардынацыйнай радзе адмаўляліся ад праходжання паліграфа — Жыгар / Калаж Еўрарадыё
Прадстаўнік арганізацыі экс-сілавікоў BELPOL Уладзімір Жыгар агучыў свае пытанні да арганізацыі бяспекі ў Каардынацыйнай радзе. Так, у размове з Еўрарадыё ён узгадаў гісторыю, як яго дадалі ў чат дэлегатаў. Убачыўшы там шмат людзей, ён спытаў: "Хто ўсе гэтыя людзі, вы іх праверылі?"
— Мне проста сказалі: "Прабачце, мы тут адкрыты орган, мы тут нічога, нікога не баімся, ні ад каго нічога не хаваем, і нават калі тут ёсць агенты, няхай яны слухаюць, як мы змагаемся за Беларусь". Мне адразу ж патлумачылі — з гэтай ідэяй нават не прыходзіць. Ну вось, а потым яны здзіўляюцца, што там злівы, тут сітуацыя…
Па словах Жыгара, знаходзячыся ў чаце КР, ён пытаў, ці правяралі людзей якім-небудзь чынам.
— Я спытаў, хто гэтыя людзі, як яны праходзілі праверку, таму што гэтыя людзі не праходзілі ў нас праверку. І потым ужо, калі нас не было, быў проста Кабанаў [Аляксандр, сябра Каардынацыйнай рады і прэс-сакратар Белпола. — Еўрарадыё], ён тое ж самае прапаноўваў. Былі такія, хто адразу ў прыват пісаў [адмаўляліся ад ідэі праверкі на паліграфе. — Еўрарадыё].
— Хто, напрыклад?
— Краўцоў першы.
