У Батанічным садзе Мінска адкрыўся абноўлены "Японскі сад". Фотафакт
Да воднага каскада дадаліся новыя элементы / cbg.org.by
У Цэнтральным батанічным садзе ў Мінску адкрылася абноўленая экспазіцыя "Японскі сад". Яе тэрыторыю ўпрыгожылі ўваходныя вароты-торыі ва ўсходнім стылі, пергала са скамʼёй і традыцыйны чайны павільён.
Увосень 2024 года ў экспазіцыю дадалі водны каскад.
Шум вады, што падае з камянёў каскада, суседства халоднага каменя з групамі соснаў, хвойнымі кустамі і раслінамі стварае цудоўную атмасферу для адпачынку, сузірання і разважанняў.
У складзе экспазіцыі ёсць расліны тыповыя для ўсходніх садоў, такія як сакуры, дэкаратыўна-лісцевыя і прыгожаквітнеючыя кусты, хвойныя расліны, фармаваныя па традыцыйнай японскай тэхналогіі абрэзкі — "нівакі".
Час працы батанічнага сада — з 10.00 да 22.00.
