Тры беларускія клубы даведаліся сапернікаў у 1-м раўндзе Лігі канферэнцый
17 чэрвеня ў Ньёне адбылася лёсаванне першага адборачнага раўнда Лігі канферэнцый УЕФА сезона 2025/26 / Getty Images
У першым раўндзе кваліфікацыі Лігі канферэнцый "Тарпеда-БелАЗ" сустрэнецца з македонскімі "Работнічкамі", брэсцкае "Дынама" згуляе супраць чарнагорскай "Суцьескі", а гродзенскі "Нёман" — супраць армянскага "Урарту".
Першыя матчы пройдуць 10 ліпеня, матчы ў адказ — 17 ліпеня 2025 года. У адборачных раўндах і плэй-оф каманды гуляюць на выбыванне ў два матчы.
Беларусь знаходзіцца пад банам УЕФА з-за статусу саагрэсара ў вайне супраць Украіны, таму хатнія гульні беларускіх клубаў будуць праходзіць на нейтральным полі і без гледачоў.
Папярэдне — гэта будуць стадыёны ў Венгрыі.
