Мінскае "Дынама" даведалася саперніка ў 1-м раўндзе кваліфікацыі Лігі чэмпіёнаў
17 чэрвеня ў Ньёне прайшло лёсаванне першага адборачнага раўнда Лігі чэмпіёнаў УЕФА сезона 2025/26 / Getty Images
Мінскае "Дынама" згуляе супраць балгарскага "Лудагорца" у першым раўндзе кваліфікацыі Лігі чэмпіёнаў. Беларускі клуб быў у кошыку нясеяных каманд.
Першы матч адбудзецца 8 або 9 ліпеня, матч у адказ — 15 або 16 ліпеня 2025 года. У адборачных раўндах і раўндзе плэй-оф каманды змагаюцца паводле прынцыпу выбывання, гуляючы па два матчы.
Беларусь знаходзіцца пад банам УЕФА з-за статусу суагрэсара ў вайне супраць Украіны, таму хатнія гульні беларускіх клубаў будуць праходзіць на нейтральным полі і без гледачоў.
Папярэдне — гэта будзе стадыён у Венгрыі.
