Стала вядома, за каго аддалі на выбарах галасы палякі ў Беларусі
Рафал Тшаскоўскі / Agencja Wyborcza.pl
На выбарах прэзідэнта Польшчы ў Беларусі прагаласавалі 108 польскіх грамадзян. Пра гэта паведамляе Дзяржаўная выбарчая камісія Польшчы.
Найбольшай папулярнасцю карыстаўся Рафал Тшаскоўскі з "Грамадзянскай кааліцыі". Свае галасы за яго аддалі 57 чалавек. Кандыдат ад "Права і Справядлівасці" Караль Наўроцкі атрымаў 51 голас. Як вядома, менавіта Наўроцкі перамог на выбарах, хаця і з мінімальным адрывам.
Дарэчы, у першым туры выбараў палякі ў Беларусі таксама больш ахвотна галасавалі за Тшаскоўскага. Свае галасы за яго аддалі 30 чалавек (30,3%), за Наўроцкага прагаласавалі тады 20 чалавек (20,2%).
