Спыняе існаванне пракет "Хуткая гуманітарная дапамога"
Дапамога ахвярам рэжыму Лукашэнкі / novychas.online
Спыняе існаванне пракет "Хуткая гуманітарная дапамога". У кааліцыю ўваходзілі ByHelp, BYSOL, "Краіна для жыцця" і Dissidentby.
Пасля таго, як першую арганізацыю абвінавацілі ў парушэннях бяспекі і празрыстасці, а абвінавачаны ў харасменце кіраўнік другой Андрэй Стрыжак адмовіўся сыходзіць з яе структуры, астатнія не лічаць магчымым супрацоўніцтва ў межах ХГД.
"Мы зрабілі свае высновы і рухаемся далей, упэўненыя ў тым, што супольнасць здольная пераадольваць уласныя хваробы. Мы не бачым ніякіх магчымасцяў для працягнення супрацоўніцтва з ByHelp і BYSOL як у рамках кааліцыі, так і ў рамках нашых асобных арганізацый.
А таму заяўляем, што кааліцыя Хуткай Гуманітарнай Дапамогі афіцыйна спыняе сваё існаванне, а наш інфармацыйны рэсурс будзе пераўтварацца ў адкрытую прастору для гуманітарных і праваабарончых арганізацый, у межах якой мы зможам наладжваць узаемадзеянне і каардынаваць намаганні ў напрамку дапамогі і падтрымкі палітвязняў Беларусі, а таксама ўсіх пацярпелых ад рэпрэсій рэжыму Лукашэнкі", — сказана ў заяве на сайце ХГД.
Менавіта кааліцыя "Хуткая гуманітарная дапамога" ў 2024 годзе паставіла крыж на Марафоне салідарнасці з беларускімі палітвязнямі. Рашэнне не ўдзельнічаць у ім падчас Канферэнцыі Новая Беларусь агучыў якраз кіраўнік фонда BYSOL Андрэй Стрыжак.
