СК адмовіўся правяраць, ці законна АМАП хапае людзей на вулічных акцыях
Следчы камітэт праз свой сайт адказаў адразу на ўсе электронныя звароты, якія за апошнія тыдні паступілі ад грамадзянаў Беларусі. Зваротаў прыйшло вельмі шмат: СК аздначае, што яны насілі "масавы характар". Але на просьбы правесці праверку і прыцягнуць да адказнасці праваахоўнікаў, якія затрымлівалі людзей на вуліцах Мінска, СК адказаў адмовай.
"У названых вышэй зваротах прыведзены звесткі, якія не ўтрымліваюць дадзеных, што ўказваюць на наяўнасць прыкметаў злачынства, у сувязі з чым падстаў для правядзення Следчым камітэтам Рэспублікі Беларусь праверкі і прыняцця рашэння па зваротах у парадку, устаноўленым Крымінальна-працэсуальным кодэксам Рэспублікі Беларусь (далей па тэксце — КПК), няма", — сказана ў адказе за подпісам Аляксея Волкава, які выконвае абавязкі кіраўніка СК.
Следчы камітэт не будзе пасылаць копію гэтага адказа кожнаму з заяўнікаў. Але кожны з іх можа абскардзіць адказ СК у судзе.
Па ацэнкам праваабаронцаў, толькі падчас шэсця на Дзень Волі 25 сакавіка затрымана ад 600 да 1000 чалавек. Мы сабралі для вас хроніку затрыманняў, вось як гэта было:
