Тры чалавекі загінулі на пажары ў Гродне
Пажар / AP
На пажары ў Гродне загінулі тры чалавекі. На месца здарэння каля 12:30 прыехалі ратавальнікі — гарэла адна з кватэр у доме.
Падчас ліквідацыі пажару ратавальнікі знайшлі целы трох мужчын. Паводле папярэдняй інфармацыі, адзін з іх — гаспадар кватэры.
— Суседзі паведамілі, што гаспадар злоўжываў спіртным. Каля паўгода з ім жыў брат, і з гэтага часу яны рэгулярна ўжывалі алкаголь, — распавялі ў СК.
Загінулых знайшлі на кухні.
— З суседніх і вышэй размешчаных кватэр супрацоўнікі МНС выратавалі пяцёра чалавек, у тым ліку двух дзяцей, — паведамілі ратавальнікі.
