П'яны кіроўца насмерць збіў раварыстку і звез з месца аварыі
Здарэнне адбылося ў Нясвіжскім раёне.
Дарожная аварыя са смяротным вынікам адбылася каля 6-й гадзіны раніцы 17 жніўня ў Нясвіжскім раёне.
Як паведамляе прэс-служба МУС, нецвярозы жыхар Стоўбцаў ехаў на аўтамабілі "Кіа". Каля вёскі Пукелеўшчына ён збіў 49-гадовую мясцовую жыхарку, якая ехала на ровары.
Ад траўмаў жанчына памерла на месцы. Тады кіроўца паклаў яе цела на задняе сядзенне сваёй машыны і з'ехаў з месца здарэння.
Міліцыя абвясціла план "Перахоп". Аўтамабіль з загінулай жанчынай знайшлі на полі каля вёскі Варацішча Стаўбцоўскага раёна. Кіроўцу затрымалі.
Фота: thekievtimes.ua
