Жахлівая аварыя пад Слонімам — загінулі чатыры чалавекі

У жахлівай аварыі ў Слонімскім раёне загінулі чатыры чалавекі. Трагедыя адбылася 19 снежня каля 11:30.

Як паведамляе прэс-служба Следчага камітэта, на пад'ездзе да Слоніма 22-гадовы кіроўца "Аўдзі" пайшоў на абгон і сутыкнуўся з "Фальксвагенам", які рухаўся ў спадарожным кірунку.

У выніку ДТЗ загінулі чатыры чалавекі — кіроўца і два пасажыры "Аўдзі", а таксама пасажыр "Фальксвагена". Яшчэ дваіх чалавек шпіталізавалі.

На месцы здарэння працуе следча-аператыўная група.

Следчыя пачалі крымінальную справу па ч. 3 арт. 317 (парушэнне правілаў дарожнага руху, якое пацягнула па неасцярожнасці смерць дзвюх і больш асоб) Крымінальнага кодэкса. Усе акалічнасці здарэння высвятляюцца.