Смяротная аварыя адбылася пад Магілёвам
Аўтамабільная аварыя
Каля 08:20 раніцы на 43-м кіламетры кальцавай аўтадарогі М-15 вакол Магілёва адбылося сур’ёзнае ДТЗ, паведамілі ў ДАІ.
43-гадовы жыхар Горак, які кіраваў аўтамабілем Renault, выехаў на паласу сустрэчнага руху, дзе сутыкнуўся з аўтамабілем BMW. У выніку аварыі кіроўца Renault загінуў, а 22-гадовы кіроўца BMW дастаўлены ў бальніцу.
Абставіны здарэння высвятляюцца.
