Вакцына паказала сябе эфектыўнай: цітр нейтралізавальных антыцел праз чатыры тыдні пасля поўнага курса вакцынацыі вагаўся ў падлеткаў 13–17 гадоў у дыяпазоне 150–199, што ёсць нядрэнным паказчыкам нават для "омікрона".
Эфектыўнасць вакцыны ад "Сінафарм" у дзяцей пацвердзіла і іншае даследаванне. Праўда, як і ў дарослых, з часам цітр антыцел і ступень абароны ад каранавіруса ўсё ж зніжаюцца.
Больш знаёмая вакцына
Адзін з аргументаў Асацыяцыі педыятраў Аргенціны ў абарону "Сінафарму" — гэта інактываваная вакцына. Груба кажучы, прынцып работы ў яе той самы, што і ў іншых вакцын, якія выкарыстоўваюцца ў дзяцей. У тым ліку і ў Беларусі.
Такі самы прынцып работы — у вакцын ад грыпу, поліяміеліту, тыфу, шаленства, клешчавага энцэфаліту і многіх іншых. Гэта значыць, ніякіх "сюрпрызаў" у тым, як яна дзейнічае, няма.
Дзеці хварэюць менш?
У цэлым каранавірус лічыцца менш небяспечным для дзяцей праз меншую колькасць цяжкіх канцоў. Праўда, ёсць адно "але". Рэч у тым, што са з'яўленнем "омікрона" дзеці сталі ўсё часцей захворваць не ў лёгкай форме, а з сімптомамі. Практычна ва ўсіх краінах, дзе ўжо дамінуе гэты штам, кажуць пра рост колькасці шпіталізацый сярод дзяцей. Пакуль гаворка ідзе не пра нейкі драматычны рост шпіталізацый, але пра прыкметны — і гэта варта ўлічваць.
Акрамя таго, дзеці таксама пераносчыкі, таму, калі вы самі носіце ў грамадскіх месцах маскі, але дазваляеце дзецям гэтага не рабіць, каштоўнасць аховы падае: вы можаце заразіцца ад яго дома, ці яно можа заразіцца ад вас. Аднак ёсць звесткі, што вакцынацыя здольная зніжаць хуткасць распаўсюджвання каранавіруса — гэта значыць гаворка ідзе не толькі пра абарону самога вакцынаванага, але і навакольных.
