Працэнтныя стаўкі па крэдытах у Беларусі могуць быць абмежаваныя

Як паведамляе БелаПАН, у дакуменце гаворка ідзе аб абмежаванні розніцы паміж стаўкамі па крэдытах і дэпазітах (да трох працэнтных пунктаў). У прыватнасці, у праекце дзяржаўнага рашэння прапануецца "устанавіць гранічны максімальны памер працэнтных ставак па крэдытах у беларускіх рублях, якія прадастаўляюцца банкамі юрыдычным асобам і індывідуальным прадпрымальнікам у памеры працэнтнай стаўкі па новых тэрміновых банкаўскіх укладах у беларускіх рублях з улікам фактычных адлічэнняў у фонд абавязковых рэзерваў плюс 3 працэнтныя пункты" .

Камерцыйныя банкі рыхтуюць свае адказы на гэты праект дзяржаўнага рашэння. Разам з тым, як адзначылі банкіры ў каментары БелаПАН, прыняцце падрыхтаванага рашэння ў цяперашніх умовах можа фактычна спыніць працэс крэдытавання эканомікі.

Прадстаўнікі банкаўскага сектара адзначаюць, што дэпазітныя прадукты ў банкаў розныя, адпаведна, не зусім зразумела, да якой стаўкі па ўкладах можа быць "прывязаная" стаўка па крэдытах. Да таго ж, па словах банкіраў, прывязка ставак па крэдытах да ставак па дэпазітах ніяк не стасуецца з сённяшняй сітуацыяй на міжбанкаўскім рынку, дзе кошт рублёвых рэсурсаў перавышае 60% гадавых.

Банкіры чакаюць, што калі рашэнне аб прывязцы ставак па крэдытах да ставак па дэпазітах будзе прынята без уліку кошту рэсурсаў на міжбанку, банкі проста не будуць крэдытаваць.
 

Фота — bymedia.net