Польшча ўзбудзіла крымінальную справу па факце вярбоўкі супрацоўнікаў НАУ
Апавяшчэнне польскай пракуратуры / @latushka
Акруговая пракуратура ў Варшаве (аддзел па ваенных справах) узбудзіла крымінальную справу па факце накіравання ў перыяд з 27 па 31 ліпеня 2025 г. не менш за 10 супрацоўнікам НАУ паведамленняў з прапановамі аб супрацоўніцтве са спецслужбамі Беларусі, якія выявіліся ў шантажы, спробах подкупу і фінансавай падтрымкі, прапаноў пачаць усё з "чыста ліста" і г.д.
Афіцыйнае апавяшчэнне аб гэтым атрымаў 8 лістапада кіраўнік НАУ Павел Латушка.
Крымінальная справа ўзбуджана па артыкуле 130 частка 1 Крымінальнага кодэкса Рэспублікі Польшча. Гэты артыкул накіраваны на пераслед асоб, якія ўчыняюць злачынствы, звязаныя са шпіянажам, гаворыцца ў паведамленні НАУ.
Па КК Польшчы за гэтае злачынства прадугледжана пакаранне ад 5 да 30 гадоў пазбаўлення волі.
