46% палякаў непрыязна ставяцца да беларусаў
Варшава, ілюстрацыйнае фота / Unsplash
46% палякаў заявілі пра непрыязнасць да беларусаў. Гэта вынікае з сацыялагічнага апытання, якое правёў польскі фонд “Цэнтр вывучэння грамадскай думкі” (CBOS).
Аналагічны ўзровень непрыязнасці зафіксаваны ў адносінах да ромаў. Найбольш негатыўна палякі ставяцца да расіянаў — пра гэта заявілі 74% удзельнікаў даследавання.
Сацыёлагі адзначаюць, што трэці год запар пагаршаецца стаўленне палякаў да народаў, сімпатыя да якіх заўважна вырасла адразу пасля поўнамаштабнага расійскага ўварвання ва Украіну — перш за ўсё да амерыканцаў, англічанаў і ўкраінцаў.
