Польскія вайскоўцы: Беларусь зноў выпрабоўвае нашу супрацьпаветраную абарону
Беларуска-польская мяжа / Еўрарадыё
Другі дзень запар паветраную прастору Польшчы парушаюць "аб’екты, падобныя да паветраных шароў". Аператыўнае камандаванне родаў войскаў Польшчы кажа, што Беларусь тэстуе польскую супрацьпаветраную абарону.
"У ноч з 31 студзеня на 1 лютага беларуская сторона здзейсніла яшчэ адну спробу разведкі і праверкі рэакцыі польскіх сістэм СПА", — гаворыцца ў паведамленні Аператыўнага камандавання.
Палёт аб’ектаў адсочваўся вайсковымі радыёлакацыйнымі сістэмамі. Ваенныя заяўляюць, што шары "не ўяўлялі пагрозы бяспецы".
У заяве памежнай службы гаворыцца, што, хутчэй за ўсё, гаворка зноў вядзецца пра шары з кантрабандай.
