Офіс Ціханоўскай 30 студзеня пачынае працу ў Варшаве
Святлана Ціханоўская і Караль Наўроцкі / lookby.media
Ад 30 студзеня Святлана Ціханоўская і яе Офіс пачынаюць працаваць у Варшаве. Пра гэта піша выданне Rzeczpospolita.
"Я думала, што вярнуся на радзіму з Вільні, якая знаходзіцца ўсяго ў 30 км ад мяжы з Беларуссю. Але ўзровень бяспекі ў Літве змяніўся. Гаворка ідзе не толькі пра маю асабістую бяспеку, але і пра бяспеку супрацоўнікаў нашага Офіса. Гэта прымусіла мяне шукаць альтэрнатыўныя рашэнні і рэарганізаваць нашу дзейнасць", — кажа Ціханоўская.
Дзе менавіта будзе знаходзіцца Офіс Ціханоўскай — дакладна невядома. Выданне не выключае, што дэмакратычную лідарку і яе калег прыме Беларускі дом. Па словах палітыка, цяпер яе муж і дзеці знаходзяцца ў ЗША, аднак у будучыні дзеці будуць жыць у Варшаве і хадзіць у польскую школу.
Узровень аховы Офіса Ціханоўскай у Літве быў паніжаны ў кастрычніку 2025-га. Літоўскія кансерватары, якія знаходзяцца ў апазіцыі да цяперашняга сацыял-дэмакратычнага ўрада, раскрытыкавалі гэтыя дзеянні.
