У Польшчы затрымалі двух беларусаў па падазрэнні ў кантрабандзе цыгарэт
Цыгарэты, перакінутыя з дапамогай метэазонда, фота ілюстрацыйнае / VSAT
Польскія памежнікі затрымалі двух грамадзян Беларусі, якіх падазраюць у кантрабандзе цыгарэт з дапамогай метэаралагічных зондаў.
Затрыманым беларусам 37 і 39 гадоў. Паводле рашэння суда яны былі арыштаваныя на 3 месяцы.
З Беларусі ў Польшчу рэгулярна спрабуюць перапраўляць кантрабандныя цыгарэты, выкарыстоўваючы для гэтага метэазонды. Аб’ёмы перапраўленых цыгарэт, якія супрацоўнікі Падляскага памежнага ўпраўлення здолелі выявіць у 2025 годзе, ацэньваюцца ў 3,4 мільёна злотых (каля 8 млн еўра).
Усяго за кантрабанду цыгарэт з выкарыстаннем метэаралагічных зондаў было затрымана 29 чалавек. Па законе ўсім ім пагражае ад 3 гадоў пазбаўлення волі.
