Пераскочыць не атрымаецца. "Нёман" пасля 1-га раўнда ЛК усё ж апынецца ў 2-м
Дыскваліфікаванаму славацкаму ДАКу знайшлі замену / "Кошице"
Калі "Нёман" пройдзе першы раўнд кваліфікацыі Лігі канферэнцый, то ў другім раўндзе згуляе са славацкай "Кошыцай", якая замяніла ДАК. Нагадаем, ДАК быў дыскваліфікаваны УЕФА і адхілены ад удзелу ў еўракубках. Раней паведамлялася, што "Нёман" мог апынуцца адразу ў трэцім раўндзе кваліфікацыі.
Аднак клубы вышэйшага дывізіёна Славакіі адзінагалосна прагаласавалі за тое, каб прадаставіць права "Кошыцы" прадстаўляць краіну ў еўракубках замест ДАКа. На карысць "Кошыцы" сыграў фактар найлепшай пазіцыі ў мінулым сезоне сярод магчымых прэтэндэнтаў. У мінулым сезоне чэмпіянату Славакіі "Кошыца" заняла пятае месца, набраўшы 44 ачкі.
Нагадаем, што ў першым раўндзе "Нёман" сустрэнецца з армянскім "Урарту". Матчы пройдуць 10 і 17 ліпеня.
