Педафіл, які напаў у Мінску на дзяўчынку, апынуўся яшчэ і забойцам дзяцей

Галоўнае следчае ўпраўленне Следчага камітэта завяршыла расследаванне крымінальнай справы на 39-гадовага ўраджэнца Бабруйска. У сярэдзіне сёлетняга ліпеня ў лясным масіве каля Даўгінаўскага тракту ў Мінску ён згвалтаваў 11 гадовую дзяўчынку. 

Як інфармуе БелаПАН, на працягу ўсяго расследавання абвінавачваны паводзіў сябе задзірліва. Пра сваё злачынства ён расказваў з асаблівым цынізмам і жорсткасцю. Мужчына заявіў, што спярша збіраўся забіць дзяўчынку, аднак потым перадумаў. 

Следства выявіла, што абвінавачаны раней ужо двойчы забіваў згвалтаваных дзяцей. Першы раз ён зрабіў гэта ў непаўналетнім узросце на тэрыторыі Беларусі, другі — на тэрыторыі Расіі. Таксама ён учыніў шэраг іншых злачынстваў сэксуальнага характару на тэрыторыі Расіі.

Мужчына знаходзіцца пад вартай. Матэрыялы яго справы перададзеныя пракурору для накіравання ў суд. Яго вінавацяць у згвалтаванні заведама непаўналетняй, рабаванні і крадзяжы. 

Ілюстрацыйнае фота — gtrk-saratov.ru