Павел Латушка адмаўляе абвінавачванні Вольгі Карпушонак

Павел Латушка адмаўляе сустрэчу ў рэстаране з Вольгай Карпушонак. Ён просіць яе ўдакладніць, калі і дзе адбываліся падзеі, пра якія яна расказала ў сваім пасце.

— Пры мне 24/7 знаходзіцца спецыяльны дадатак, які кожныя 30 секунд фіксуе маё месца знаходжання. Да метра лакалізацыі. Няхай яна скажа, які рэстаран і які дзень — гэта вельмі лёгка праверыць.

Па словах палітыка, Вольга ніколі не працавала ў НАУ, але валанцёрыла ў арганізацыі. Каб патрапіць на працу яна мусіла прайсці паліграф, але адмовілася гэта рабіць.

Латушка кажа, што Карпушонак пакінула тэрыторыю Польшчы і знаходзіцца ў Гішпаніі. Сам палітык мяркуе, што яе пост — частка спланаванай акцыі беларускіх спецслужбаў, а сама абвінаваўца можа быць звязаная з КДБ.

Пакуль палітык кансультуецца з юрыстамі і будзе сябе абараняць у судзе. Сыходзіць з публічнага поля ён не збіраецца.

У суботу Карпушонак апублікавала пост у якім сцвярджае, што Латушка вадзіў яе ў рэстаран, а потым дамагаўся.