Памёр заснавальнік газеты "Белорусы и рынок" Вячаслаў Хадасоўскі
Вячаслаў Хадасоўскі / фота з Фэйсбук-акаўнту Марыны Куліковай
Ва ўзросце 78 гадоў памёр заснавальнік і шматгадовы галоўны рэдактар выдання "Белорусы и рынок" Вячаслаў Хадасоўскі. Пра яго смерць паведамілі ў сацсетках родныя.
Напрыканцы 1990 года Хадасоўскі заснаваў першае беларускае эканамічнае выданне — газету "Белорусский рынок" (пазней назву выдання давялося змяніць). Да 2015 года ён быў галоўным рэдактарам выдання.
У апошнія гады Хадасоўскі змагаўся з цяжкай хваробай.
