На Беларусь ідуць тры магутныя цыклоны

Пра гэта паведаміў начальнік службы гідраметэаралагічных прагнозаў Рэспубліканскага гідраметэацэнтра Дзмітрый Рабаў, перадае БелаПАН.

Першы цыклон прыйдзе ў Беларусь у выходныя. У суботу на большай частцы тэрыторыі чакаюцца ападкі ў выглядзе дажджу, вецер парывамі да 15-22 м/с. У ноч на нядзелю парывы ​​ветру будуць дасягаць 25-28 м/с. У нядзелю на большай частцы тэрыторыі чакаецца снег і мокры снег, завея, на дарогах месцамі снежныя заносы. Тэмпература паветра ноччу — ад 0 да -5 градусаў, удзень — ад -1 градуса на поўначы краіны да +5 на поўдні.

На пачатку наступнага тыдня прыйдзе новы цыклон. Ён таксама прынясе вецер парывамі да 15-20 м/с, месцамі да 25 м/с. Ападкі пераважна ў выглядзе снегу і мокрага снегу, тэмпература паветра істотна не зменіцца.

Трэці цыклон прыйдзе ў Беларусь у сярэдзіне наступнага тыдня і прынясе ападкі ў выглядзе снегу, мокрага снегу і парывісты вецер.

Папярэдні прагноз сіноптыкаў: надвор'е палепшыцца толькі каля наступных выходных.

Фота — sb.by