На "Гродна Азоце" праз маразы спынілі цэх
"Гродна Азот" / прэс-служба "Гродна Азот"
На "Гродна Азоце" праз маразы спынілі адзін цэх, а ў другім — праз некарэктную працу прыбора перапынілі выдачу аміяку.
Гродзенцы ізноў пабачаць над прадпрыемствам слуп агню — падчас рамонту на факельнай устаноўцы будуць спальвацца гаручыя рэчывы.
Надзвычайнае становішча склалася зранку 28 студзеня, паведамляе прэс-служба прадпрыемства. У 4:30 была прыпыненая выдача аміяку ў цэху "Аміяк-3", пры гэтым сам цэх працягвае працу. А цэх "Аміяк-4" спынены: жорсткія мінусавыя тэмпературы на некалькі дзён адступілі і далі кароткую перадышку "для выканання рамонтных работ па выпраўленні выяўленых дэфектаў, якія з'яўляюцца наступствам моцных маразоў".
