Мінскае "Дынама" устанавіла новы нацыянальны антырэкорд у еўракубках
Узровень беларускага футболу / "Динамо-Минск"
Пасля паразы 9 ліпеня ў першым раўндзе Лігі чэмпіёнаў у матчы з "Лудагорцам", мінскае "Дынама" устанавіла новы клубны антырэкорд Беларусі ў еўракубках — сем паразаў запар у выязных матчах у Еўропе.
Агульны лік у гэтых сустрэчах — 1:15, піша "Трыбуна". Дынамаўцы змаглі забіць толькі ў Гібралтары летам 2024 года.
Нагадаем, матч у адказ супраць "Лудагорца" адбудзецца 16 ліпеня. Калі "Дынама" вылеціць з кваліфікацыі Лігі чэмпіёнаў, то трапіць у другі кваліфікацыйны раўнд Лігі канферэнцый.
Пасля першага круга чэмпіянату Беларусі каманда займае трэцяе месца, саступаючы лідару — "МЛ Віцебск" — 10 ачкоў.
