"Мінск" можа згуляць з "Севільяй", "Стандардам" ці "Айнтрахтам"
У пятніцу ў швейцарскім Ньёне а 14-й гадзіне пройдзе лёсаванне раўнда плэй-оф футбольнай Лігі Еўропы і стане вядомы наступны сапернік ФК "Мінск".
Як вядома, каманда Вадзіма Скрыпчанкі засталася адзіным прадстаўніком Беларусі ў еўракубках. Мінчукі здолелі выбіць з Лігі Еўропы ў 3-м кваліфікацыйным этапе шатландскі "Сэнт-Джонстан".
Сапернікамі "Мінска" ў плэй-оф могуць стаць "Севілья", "Стандард" (Льеж), "Айнтрахт" (Франкфурт), "Рэд Бул Зальцбург", "Нордшэланд".
Матчы за выхад у групавы этап Лігі Еўропы пройдуць 22 і 29 жніўня.
