Мароз паставіў рэкорд сёлетняга сезона: было –26,3 уначы

Упершыню ў сёлетнім зімовым сезоне начная тэмпература паветра ў Беларусі апусцілася ніжэй за –25 градусаў. У ноч на 3 студзеня ў Бабруйску пахаладала да мінус 26,3 градуса. У сталіцы таксама было вельмі холадна — мінус 20,8 градуса.

Самым цёплым гэтай ноччу быў Пінск — мінус 15,4 градуса.

Абсалютны мінімум ночы на 3 студзеня быў зафіксаваны ў 1941 годзе ў Віцебску — мінус 32 градуса. У Бабруйску самая халодная ноч на 3 студзеня была ў 1987 годзе (мінус 29,1 градуса), а ў Мінску — у 1941 годзе (29,1).

У бліжэйшыя дні марознае надвор’е захаваецца, а ў канцы наступнага тыдня прыйдзе адліга, перадае БелаПАН.

Фота з архіву