Магілёўцы не могуць зарэгістраваць транспарт і атрымаць пасведчанні кіроўцы
Аўтамабілі, ілюстрацыйнае фота / pixabay.com
У Магілёве часова прыпынілі рэгістрацыю транспарту і выдачу пасведчанняў кіроўцы. Абласная міліцыя тлумачыць гэта тэхнічнай няспраўнасцю — пашкоджаннем лініі электрасувязі "Белтэлекама".
МРЭА ДАІ Магілёўскага абласнога ўпраўлення ўнутраных спраў абслугоўвае Ленінскі і Кастрычніцкі раёны горада Магілёва, а таксама населеныя пункты Магілёўскага, Быхаўскага, Бялыніцкага, Круглянскага, Чавускага і Шклоўскага раёнаў Магілёўскай вобласці.
Для рэгістрацыі транспарту ці атрымання пасведчання кіроўцы магілёўцам рэкамендуюць звяртацца ў бліжэйшыя рэгістрацыйна-экзаменацыйныя падраздзяленні вобласці — у Горкі, Крычаў, Бабруйск, Касцюковічы.
Пра аднаўленне работы ДАІ абяцае паведаміць дадаткова.
