Лукашэнка пракаментаваў знікненне Мельнікавай. Ёсць цікавыя гістарычныя паралелі
Лукашэнка і Мельнікава / euroradio.fm
Аляксандр Лукашэнка пракаментаваў знікненне спікеркі КР Анжалікі Мельнікавай. У яго нечаканым каментары заўважныя ізноў жа нечаканыя гістарычныя паралелі.
“Яны (Польшча) ж там згубілі спікерку гэту. Знайсці не могуць! Знайсці не могуць. Дык знайдзіце хоць”.
Гісторык Аляксандр Фрыдман у сваім тг-канале для ацэнкі такога дзіўнага каментара Лукашэнкі параіў паглядзець на словы палітыка пра зніклых у 1999-х апазіцыйных палітыкаў. Еўрарадыё так і зрабіла — вось яскравы прыклад:
“Мы робім пэўныя спробы ў тым ці іншым напрамку. Былі зачэпкі і па Германіі, вы памятаеце, калі ў газеце, якую мне прынеслі, апублікавалі нават фатаграфію Юрыя Захаранкі. Па-мойму, тады была фатаграфія Захаранкі. Мы ўчапіліся. Мы зрабілі запыт немцам: патлумачце. Нам дагэтуль, вы гэта ведаеце, ніякай інфармацыі не далі”.
