Літовец з псіхатропамі ўцякаў ад пераследу ў Беларусь
Літовец вёз у Беларусь наркотыкі / Памежны камітэт
Каля беларуска-літоўскай мяжы вайскоўцы Смаргонскай памежнай групы затрымалі грамадзяніна Літвы. Мужчына заявіў, што ўцякае з радзімы, каб пазбегнуцб крымінальнага пераследу ў сваёй краіне. Інцыдэнт здарыўся 26 лютага, адзначаюць у Памежным камітэце.
Падчас агляду асабістых рэчаў затрыманага памежнікі знайшлі капсулы з белым парашком, а таксама 20 капсул з рэчывам расліннага паходжання.
Экспертыза выявіла, што гаворка ідзе пра асабліва небяспечнае псіхатропнае рэчыва MDMB (N)-BZ-F агульнай масай больш за 110 грам.
Сам грамадзянін Літвы змешчаны ў ізалятар часовага ўтрымання Смаргонскай памежнай групы. на яго пачалі крымінальную справу. За кантрабанду і незаконнае абарачэнне наркотыкаў яму пагражае да 10 гадоў пазбаўлення волі.
