"Каманда разбітая". Былая супрацоўніца BYSOL пра рашэнне па Стрыжаку

Я сама, як аперацыйная дырэктарка, заўсёды і ўсім распавядала пра тое, як уладкаваны працэс прыняцця рашэнняў у Фондзе: што рашэнні прымаюцца дырэктаратам, што няма практыкі такой, каб Андрэй нешта вырашаў у адну асобу. Гэта важныя ўнутрыкамандныя прынцыпы, на якіх многае будавалася.

BYSOL публічна прытрымліваецца прынцыпу празрыстасці. Але ў выніку ўсе прынцыпы і працэсы былі проста выключаныя ў аднабаковым парадку. Не кажучы ўжо пра тое, пра якую сітуацыю ідзе гаворка, якая сітуацыя прывяла нас да гэтага ўсяго. Мне здаецца гэта непрымальным — заставацца ў арганізацыі пасля такіх вынікаў працы камісіі.

— Калі б Андрэй не заставаўся, вы б засталіся ў арганізацыі? Што менавіта было для вас вырашальным момантам?

— Так, я магла б працягнуць працу. Вырашальнай стала ўся гэтая сітуацыя, на самай справе: пачынаючы ад кейсаў, пра якія прыйшлося даведацца, і заканчваючы катэгарычным адмаўленнем дамоўленасцяў аб працэсах прыняцця рашэнняў, відавочнае аднаасобнае панаванне.

"Працэс пайшоў" не туды "ў момант, калі рашэнне было агучана Андрэю"

— У які момант працэс разгляду "пайшоў не туды"?

— З самім разглядам было ўсё ў парадку. Камісія разам з даверанымі асобамі прарабіла вялікую працу, мы размаўлялі з вялікай колькасцю знешніх экспертаў, не толькі з беларускага сектара, і планавалі яшчэ працягнуць з імі працу па адбудове ўнутраных працэсаў.

— Як ён маніпуляваў?

— Андрэй ініцыяваў працэс каманднага галасавання і штучна стварыў сітуацыю, у якой выбар па факце стаяў не ў плоскасці "ці працягваць з ім супрацоўніцтва", а ў плоскасці "каму вы давяраеце: мне (Андрэю) або камісіі". А яна, дарэчы, складалася з каманды фонду. Гэта выклікала сапраўдны ўнутраны канфлікт.

Мне вельмі балюча за каманду і я не ўяўляю, што цяпер унутры перажываецца.

У выніку зараз сышло тры чалавекі з фонду. Было і шмат іншага, але я б не хацела гэта агучваць, трохі сорамна, калі можна так сказаць.
 

"Я любіла сваю працу"

— У якім стане заставаўся BYSOL на момант, калі вы сышлі, і што думаеце, як будуць развівацца справы ў будучыні?

— Агульны стан BYSOL няпросты — каманда разбітая ад усіх падзей, з нямым пытаннем пра тое, як жа прымаюцца рашэнні ў фондзе. Партнёры, якія ўважліва сачылі за сітуацыяй, пойдуць прымаць свае рашэнні адносна далейшага супрацоўніцтва. Вялікае пытанне, як гэта ўсё адаб'ецца на ўзаемадзеянні з прыватнымі донарамі. Усё гэта моцна ўскладняе будучыню.

Мне праўда хацелася б, каб ідэя і місія фонду рэалізоўваліся, усё ж гэта вельмі вялікая справа. Але не ўяўляю, як гэта цяпер будзе магчыма ў поўным аб'ёме.

Я любіла сваю працу і заставалася ў працэсах да апошняга, нават нягледзячы на абмежавальныя асабістыя абставіны.