Фабрэгас не дапаможа зборнай Іспаніі ў гульні супраць Беларусі
Іспанскі футбаліст мае траўму, якая перашкодзіць яму гуляць бліжэйшы месяц.
15 лістапада адбудзецца сустрэча футбольных зборных Беларусі і Іспаніі ў рамках адборачнага цыклу чэмпіянату Еўропы-2016. Паўабаронца "Чэлсі" Сеск Фабрэгас не дапаможа сваёй камандзе падчас гэтай сустрэчу, бо мае траўму задняй паверхні сцягна, піша "Прессбол".
Такім чынам, каманда Іспаніі не зможа разлічваць на 27-гадовага футбаліста не толькі падчас гульні з Беларуссю, але і ў таварыскай сустрэчы з Нямеччынай 18 лістапада.
Пакуль не вядома, хто заменіць гульца "Чэлсі" ў заяўцы іспанцаў.
Фота — sport-xl.org
